Plantun de Prouvènço

Pèr coumpara dos planto d'encò nostre

Campanula cenisia & Grimmia orbicularis

Campanula cenisia

Campanulaceae

Nom en français : Campanule du mont Cenis.

Descripcioun :
La campaneto-dóu-mount-Cenis trachis en tapis dins lis esboudèu cauquié e li claparedo basico dis Aup interno. Fai de rouseto de fueio óuvalo e un pau poupudo, e si flour en estelo soun d'un blu clar.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 1 à 5 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Campanula
Famiho : Campanulaceae

Ordre : Asterales

Coulour de la flour : Bluio
Petalo : 5
Ø (o loungour) flour : 1,2 à 1,5 cm
Flourido : Estiéu

Sòu : Ca
Autour basso e auto : 2200 à 3200 m
Aparado : Noun
Juliet à avoust

Liò : Esboudèu - Clapas
Estànci : Aupen
Couroulougi : Ouroufito-Ouèst-Aupenco
Ref. sc. : Campanula cenisia All., 1773

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.